من خلقني الله احب اكون انسان غير

قالـوا امـدح شيـخ والا امـدح اميـر
لـجـل تكـسـب مــن مـديـحـه فـايــده

قلـت انـا فـي خيـر واحوالـي بخيـر
لـيـه ادوّر شــي مـانــي رايـــده .؟

ادري ان مــال الكبـيـر الا الكـبـيـر
الـــرجــــال تـــقــــاد والا قـــايــــده

اكــره اثنـيـن : المنـافـق والحـقـيـر
تسـتـغـل طـيــب الـرجــال الـرايــده

ان مدحت امدح وانا وجهـي سفيـر
مــدحــتٍ لـلـحــق مــاهــي ســايــده

وكانهـا ماجـات مـن قلـب وضميـر
مـدحــتــي ذمـــــه بـحــقــه كــايـــده

وش علي ان صاد لـه طيـرٍ يطيـر
لاهـــو بـطـيـري ولانـــي صـايــده

مـن خلـقـني الله احــب اكــون غـيـر
مــا احـــب اكـــون حـاجــه زايـــده

الـفـقـر مـاعــذرب اخـــلاق الفـقـيـر
فــي السنـيـن الـحـاضـره والـبـايـده

فـي الزمـن اشيـاء تعنـي لـي كثيـر
الـتـمــام الـشـمــل حــــول الـمـايــده

ومنظر البسمه على الطفل الصغير
فـــي نـهــار الـعـيـد يـــوم تـعـايــده

قلتها وعـذري يصيـر اللـي يصيـر
كـــــلٍ راسٍ يـرتــخــي لــوســايــده

انـتـبــه ويــــاي لـلـبـيـت الاخــيـــر
اسـمـعــه مــنــي ولانــــي عــايـــده

تــدري وش معـنـاة رجــالٍ حقـيـر ؟!
مـن يصاحـب رجــل لـجـل الفـايـده ..

ودي